Tunhnaiah Police ten Heroin kg. 15 zet an man

Mizoram Police chuan nimin khan thuchhuah siamin Saitual Police-te'n tunhnaiah Heroin kg 15 an man thu leh hei hi Mizoram Police-in tum khata Heroin a man tam ber nia hriat a nih thu an tarlang.

Police-te tarlan danin September ni 18, 2025 khan Saitual Police chuan August thlaa Heroine an man tawh an chhuizuina kalzelah Uglobe Brand Heroin kg 9 manin hei hi cheng vbc. 2.7 man a ni tih an tarlang a. Hemi hma August thla khan lirthei pakhat 'Intra' atangin Heroin Kg 6, cheng vbc. 1.8 man bakah lirthei khalhtu Lalliancheua (20) Falam, Myanmar (Zuangtui-a cheng) nia inchhal leh a lirthei neitu, Lallianmawia (25) Falam, Myanmar (Zuangtui, Aizawl-a cheng) nia inchhal te chu manin hei hi cheng vbc. 1.8 hu a ni a, hemi an chhuizuinaah hian a dang man loh a la awm tih hriatchhuah a nih thu leh lirthei-ah hian a vaiin Heroin kg. 15 thuhruk a ni tih an hriatchhuah thu an tarlang a, lirthei an thiah darh vek hnuah Heroin kg 9 hi an man belh leh tih an tarlang a ni.

September ni 19, 2025 khan Champhai Police chuan Methamphetamine thahnem tham tak manin hei hi a vaiin kg 70.2 niin cheng vbc. 9.12 hu a ni a, he thila inhnamhnawih Lalnunthara (27) Dinthar Veng, Champhai nia inchhak chu Champhai Zotlang-ah an man thu an tarlang bawk.