National Muaythai Championship 2025-ah Serchhip tleirawl in Gold a la
Tun thla ni 9 atang khan 6th National Muaythai Championship hi Haryana-a Rohtak-ah neih a ni a, Muaythai Association of Mizoram chuan Mizoram aiawh turin players 17 tirchhuakin Official mi 4 ten an hruai a, an zingah hian Serchhip atangin Phoibi Malsawmtluangi d/o Lalengmawii, New Serchhip Venglai chu telin kg. 54 hnuailam inelna (Junior Category)-ah telin Gold Medal a la a ni.
Phoibi Malsawmtluangi hian nikum khan Muaythai-ah National Level intihsiakna ah hian Gold Medal bawk a lo la tawh a, Kick-Boxing te pawh khel thinin State Level-ah Medal te pawh a lo la tawh thin bawk a, nizan hmasa khan Aizawl rawn thlengin Vawiin hian Serchhip rawn thleng tura beisei an ni.
He intihsiakna ah hian India ramchhunga State 23 leh UT 3 atangin mi 1250 zet te an intihsiak a, Mizoram atanga kal mi 14 te chuan Medal an la a, heng te hi Gold Medal 9, Silver Medal 2 leh Bronze Medal 3 te a ni a, Mizoram atanga kal te zingah hian Reuben Lalnunthara, Vaivakawn Zohnuai chuan kg. 51 hnuailam (Junior Category)-ah Gold Medal lain Asian Youth Games, Bahrain-a neih turah India aiawh tura thlan a ni bawk.
Muaythai infiamna hi International Olympic Committee (IOC) chuan Olympic Games huanga tel turin a lo pawmpui tawh nghe nghe a ni.
.jfif)
Mawitei Chhangte
ReplyDelete