Union Minister rawn zin

Union Minister of State for Micro, Small and Medium Enterprises leh Labour & Employment Shobha Karandlaje-i chuan ni hnih chama Mizoram rawn tlawh turin nimin khan Aizawl a rawn thleng a, Lengpui Airport a rawn thlen hnuin Sihhmui, Sairang leh Ramhlun-a Prime Minister's Employment Generation Programme (PMEGP) hnuaia hamthatna dawngte a kawm nghal bawk a ni. Union MoS chuan Sawrkar laipui ruahmanna hnuaia hamthatna dawngtuten an khawsak dinhmun chawikan nana PMEGP hnuaiah eizawnna ngel-nghet an nei thei chu lawmawm a tih thu sawiin, hamthatna dawngtute hmalakna a zarah eizawnna siam belh a ni chu thawktute fakawm a tih thu a sawi a, thalaite thiamna tipung a, eizawnna ngelnghet siam belh zel chu PMEGP thil tum pawimawh tak a nih thu a sawi bawk. Minister hian Vawiin hian Khawzawl tlawh a tum bawk a ni.