Serchhip-ah Polling Official ten training nei dawn

Village Council Inthlanpui neih tura Polling Official te tana Training chu Vawiin hian neih a ni dawn a, nimin khan Master Trainer te tan briefing neih a ni.
Village Council Inthlanpui neih tur atan hian Serchhip District chhunga VC 56-ah Returning Officer pakhat theuh ruat niin VC 3-ah Asst. Returning Officer (ARO) ruat an ni bawk a, heng bakah hian Presiding Officer atan mi 75 leh Polling Officer atan mi 150 ruatchhuah an ni a, heng mite tan hian Vawiin hian Govt. Serchhip College-ah Training hmasa ber hi neih a ni dawn a ni.

He Training neih tur inbuatsaihna atan hian nimin khan Serchhip DC Meeting Hall-ah Master Trainer Briefing neih a ni a, he hunah hian Master Trainer - Peter Malsawmtluanga, SDO (C) North Vanlaiphai; K Lalhlimpuia, SDO (C) Thenzawl leh Dr. C. Vanlalchhanhimi, SDC te chuan DEO hoin ruahmanna an siam dan leh training inpek dan tur chungchang inrawnkhawmna hun an hmang a. He hunah hian Addl. DC Lal-rinzuala leh Election Officer F. Lalnisai te pawh an tel a ni.