MNF in theihtawp chhuah tum

Mizo National Front (MNF) National Executive Meeting chu nimin khan Aizawl Vanapa Hall-ah an President Zoramthanga kaihhruaiin neih a ni a, MNF Danbul ennawna, siamthat ngaite siamthat remtih a ni a, MNF Party hmalak zel dan tur hrang hrangte rel a ni bawk. Nimin a MNF NEM thukhawm hian MNF President Zoramthanga leh a thawhpui Elected Office Bearer-te kaihhruaina hnuaia tunhnaia hnehna an chang leh party in nasa taka hma an sawn zel avangin an chungah rinna leh beiseina an nghat tlat tih Resolution an pass a, “Mipui harsatna phuhruk thin MNF Sawrkar ding leh thuai turin theihtawp kan chhuah zel ang,” an ti bawk.