Art & Culture Minister-in sawrkar laipui dawr

Art & Culture Minister C. Lalsawivunga chuan Zirtawpni khan Union Minister for Culture Gajendra Singh Sekhawat chu Delhi-a a chenna-ah hmuin thil pawimawh hrang hrang a sawipui.

Sawrkar laipui dawr-a cham mek Art & Culture Minister hian Siaha-a cheng vbc. 10 senga Regional Museum sakna tur approve fel vek tawh tun thlenga pawisa la release loh a nih thu leh Falkawn-a Tagore Cultural Centre sakna tur DPR peihfel a nih tawh thu te Union Minister hi hrilhin, Union Minister hian Regional Museum sakna tur chu a rang thei ang bera release a nih tur thu leh Tagore Cultural Centre pawh DRP thehlut rang tura hrilhin, a lo ngaihven zui tur thu a sawi a,  Mizoram sawrkar hmachhawp hrang hrangah pawh theihtawp a chhuahpui tur thu a lo hrilh bawk.

LAD Minister ni bawk C. Lalsawivunga hian Union Finance Minister Nirmala Sitharaman hnenah Mizoram in 15th Finance Commission hnuaia Rural Local Bodies Grant kum 2022-23 chhunga a pawisa dawn tur chu 1st installment chiah a la dawn thu leh, hemi avanga VC (Rural Local Bodies) ten harsatna an tawh mek thu a thlen a, 2nd Installment pe thuai turin Union Minister hi a ngen bawk a ni.