Start-Up India chungchang inhrilhhriatna hun hmang
Minstry of Commerce & Industries hnuaia Sawrkar laipui Flagship Programme Start-Up India chungchang inhrilhhriatna hun hi Serchhip District Bawrhsap Paul L. Khuma chuan kaihruaiin he huna tel te inlawmna thu a sawi a. Serchhip khawpui leh a chhehvela mahni kutkawih ngei eizawnna kalpui tum (Entrepreneur) te chu he hun buatsaih hi tangkai taka hman tum turin a chah bawk a ni.
He hunah hian Mizoram-a Start-Up India Programme kalpuitu, Planning Department hnuaia Mizoram Startup Mission-a Programme Manager Ruth Chuauthangpuii chuan Mizoram a Start-up India kalpui anih dan sawifiahin, Ministry of Commerce & Industries hnuaia Department for Promotion of Industry and Internal Trade (DPIIT) Start-Up India Manager leh Resource Persons Shaurya leh a thawhpuite hnen atangin Sawrkar laipuiin Feb. 19, 2016 atanga a lokal pui tawh Start-Up India awmzia leh nihphung te, hemi hnuaia Partnership anga Department for Promotion of Industry and Internal Trade (DPIIT) Portal a in ziahluh dan leh ni reilote chhunga Start-Up India hnuaia hmathatna dawng thei tura Online App hmanga inziahluh dan turte bakah Start-up India hnuaia Funding Scheme hrang hrang leh Entrepreneur/Beneficiaries ten Loan an lak theih hrang hrangte an sawifiah a, he hmalakna hnuaia hamthatna an hmuh theihte bakah Entrepreneur te tana hriat tur pawimawh hrang hrangte pawh an sawifiah bawk a, zawhna leh chhanna leh sawihona hun an hmang bawk a ni.
He hunah hian,Serchhip khawpui leh District chhung khaw hrang hranga Entreprenuer lam kalpuitu Private Firm leh Society hrang hrang aiawhte bakah Serchhip DC Office-a Officer te an tel a ni.
Comments
Post a Comment