MSPMC Team-ten sawrkar hmalakna enfiah zel
Mizoram State Project Monitoring Committee chuan niminpiah khan Aizawl khawpui chhunga sawrkar hmalakna hnuaia hnathawh mek pathum (3) te chu a hmunah kalin an enfiah.
Mizoram State Project Monitoring Committee hian Civil Hospital Aizawl-a ‘Upgradation of Cardiology Department’ hna thawh mek chu enfiahin Cardiology Department hman lai mek chu hna tan anih theih nan suan mai na tur hmun awl remchang a awm loh avanga hnathawh kawnga harsatna an tawh leh Sawrkar atanga sum pekchhuah har avanga harsatna an tawh hrang hrangte sutkian dan tur an sawiho a. Hemi hnu hian MINECO-a AYUSH Development Centre sak mek chu tlawh lehin he Building hi chhawng li (4) ni tura ruahman a ni a, NEC sum cheng nuai 264.16 senga sak niin tunah hian hnathawh tur za zela 50 vel thawh a ni tawh a, Plan anga sak a ni em tih enfiahin, ruahman ang taka a puitlin theih nan hmalak zui dan tur hrang hrangte MSPMC Team-te hian Nodal & Implementing Department hotute leh Contractor te hi an sawipui bawk a ni.Hemi hnu hian MSPMC Team-te hian Establishment of Veterinary Information & Resource Centre, Khatla sak hna chu an endik bawk a. A building hi NEC Fund cheng nuai 339.25 senga sak niin, a hna hi za zela 35 zawh tawh a ni a, September, 2025-a zawh tura ruahman a ni. He building sak hna kal mek hi tha tak leh chak taka a kal theihna tura hmalak chhunzawm dan tur Nodal & Implementing Department hotute leh Contractor-te sawipui a ni bawk.
Comments
Post a Comment