Thalai ten nunkawng dik lo an zawh tur venna ah YMA in theihtawp a chhuah zel dawn

Central YMA President Lalhmachhuana chuan thalaite'n nun kawng dik lo an zawh tur vennaah YMA chuan tha thlah lovin theihtawp a chhuah zel dawn tih a sawi.

YMA Day vawi 89-na puala thuchah a sawi ah Central YMA President chuan ruihhlo leh sualna hrang hrang dona kawngah te, abikin thalaite'n nun kawng dik lo an zawh tur vennaah te YMA chuan nasa takin hma a la thin tih sawiin, tha thlah lovin theihtawp a chhuah zel dawn tih a sawi a. Sual dona kawnga thawhpui tur mimal leh pawl an awm a nih chuan YMA-in thawhpui theih loh a nei lo tih pawh sawiin, ram leh hnam thatna atan chuan ken an pen zel dawn thu leh Hma an lak tawhna zawng zawnga tha thawhtu mimal leh Branch hrang hrangte chungah lawmthu a sawi bawk a. Ram leh hnam humhalh tura YMA-in theihtawp a chhuah thin thu pawh a sawi bawk.