LS Inthlan ah Candidate mi 6 an awm dawn

Mizoram in Lok Sabha-a Seat khat a neih luahtu tur thlanna neih turah Candidate mi paruk (6) an awm dawn ta.

Tun thla ni 19-a Mizoram Lok Sabha Inthlanpui neih tur chuh tuma hming pelut te tana inhnuhdawh theih hun chu Inrinni kalta, March 30, 2024 tlai dar 3:00 khan tawpin he inthlan chuh tuma hming pelut te zingah inhnukdawn an awm lo a, hei vang hian General Election to Lok Sabha, 2024 atan hian chuhtu Contesting Candidate 6 an awm a, an zingah hian hmeichhia pakhat awmin, Independent a ding mi pakhat a awm bawk.

1-Mizoram (ST) Parliamentary Constituency for General Election to Lok Sabha, 2024 neih tur atana Candidate te hi Indian National Congress (INC) atangin Lalbiakzama (Symbol-ah hHand); Zoram People’s Movement (ZPM) atangin Richard Vanlalhmangaiha (Symbol-ah Hat); Bharatiya Janata Party (BJP) atangin Vanlalhmuaka (Symbol-ah Lotus); Mizo National Front (MNF) atangin K. Vanlalvena (Symbol-ah Star); Mizoram People’s Conference (MPC) atangin Rita Malsawmi (Symbol-ah Whistle) leh Independent a ding Lalhriatrenga Chhangte (Symbol-ah Football Player) te an ni.

Mizoram Lok Sabha Member thlanna hnuhnung ber kum 2019-ah khan Candidate mi paruk bawk an awm a; Mizoram-a Lok Sabha Inthlanpui-a Candidate an tam ber tum chu kum 1991 kha niin Candidate mi pasarih an awm a, Mizoram State a nih hnua Candidate an tlem ber tum kum 2004-ah khan mi pathum awmin Mizoram State a nih hma kum 1980 khan Candidate mi pahnih chiah an lo awm tawh bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni