Candidate 6 zingah INC Candidate hausa ber

Mizoram Lok Sabha bial khat inthlanna chuh tura hming pe mi 6 zingah Congress Party Candidate Lalbiakzama chu a hausa ber.
Mizoram Lok Sabha bial inthlan chuh tur zingah Mizoram Police Service (MPS) hlui, Home Secretary a nih lai-a a hna atanga chawl ta Congress Candidate Lalbiakzama hian nomination a thehluh rual a affidavit a thehluh telah chuan a sum fai neih, khawih chet theih thil cheng vaibelchhe khat a hlu a neih laiin khawih chet theih loh thil cheng vbc. 2.80 a nei a. Khawih chet theih loh ro a neih hi Agriculture a siam chi ram pakhat leh Agriculture atana siam chi ni lo ram 2 a ni. A nupuiin khawih chet theih thil Rs. 4,790 hu a nei a, a chhungkaw midangte’n khawih chet theih thil an neih belhkhawm chu a hlut zawng Rs. 7,41,000/- a ni.

Tun tuma Mizoram Lok Sabha Inthlanpui neih tura Candidate 6 zinga 4 hi an thil neih zawng zawng belhkhawm cheng vaibelchhe khat chuang a ni hlawm a. A rethei ber chu BJP Candidate Vanlalhmuaka niin khawih chet theih Rs. 11,30,000 hu a ni a ni.

Hausa ber dawttu chu Independent Candidate Lalhriatrenga Chhangte niin a nupui ram neih hlut zawng nena chhut chuan a thil neih zawng zawng hlut zawng hi cheng vbc. 2.7 chuang a ni a. A pathumna chu Rajya Sabha MP ni lai MNF Candidate K. Vanlalvena a ni a. Laksawn theih loh thil Rs. 58,36,000/- hu a neih laiin lak sawn theih loh ro cheng vbc. 1.24 hu a nei bawk a ni.

ZPM Candidate Richard Vanlalhmangaiha chu palina niin laksawn theih thil cheng nuai 97.74 a neih bakah laksawn theih loh ro cheng nuai 70 hu a nei a, a belhkhawm chu cheng vbc. 1.67 a ni. Hmeichhe Candidate awmchhun leh MPC Candidate Rita Malsawma laksawn theih chi cheng nuai 16.6 hu a nei bawk a ni.

- AIR

Comments

Popular News (Last 30 Days)

Vawiin-ah HSSLC Exam result

LPG man bithliah thar