Hnahthial-ah bank te hmalak dan thlirletna neih a ni

Hnahthial District chhunga Bank hrang hrangte hnathawh dan thlirhona chu nimin khan District Bawrhsap Chuauhnuna hovin neih a ni.

He thutkhawm ah hian mipuite awlsam zawka Bbank loan pekchhuah an nih theih nan Hnahthial District chhunga Department awm te leh Bank te chu inrawntawn thin se an ti a, hemi chungchangah hian Bank te chu February thla chhungin Department hotute nen thukhawmin sawiho se an ti a ni. Hnahthial District chhunga Bank awm panga- SBI Hnahthial, MCAB Hnahthial, MRB Hnahthial, MRB Pangzawl leh MRB South Vanlaiphai-ah kangmei leh rikrum thil laka inven nan Fire Extinguisher, Alarm System, Smoke Detector etc vuah vek tawh a ni chu lawmawm an tih thu an sawi bawk. Hei bakah hian Sawrkar laipui hnuaia Social Security Scheme hrang hrang (PMSBY, PMJJBY, APY) inziaklutte dinhmun enho a ni a, tan la lehzual tur leh a bik takin heng hamthatna awm te mipuiin an chhawr lehzual theih nan Bank te chu inzirtirna (financial literacy campaign) uar lehzual tura ngen an ni bawk.