VC Vice President vuiliam

Nizan hmasa zanlai pelh hnua boral Serchhip Chhim Veng Village Council-a Vice President nilai C. Laldinpuia chu nimin khan vuiliam a ni.
Kum 40-a upa C. Laldinpuia S/o C. Sawiluaia, Ser-chhip Chhim Veng hi hun engemaw chen taksa chaklohna a neih hnuah niminpiah tlai khan Ser-chhip District Hospital-ah admit a ni a, nizan hmasa dar 12:30 vel khan a boral zui a, nimin khan vui-liam a ni. C. Laldinpuia hi Serchhip Chhim Veng VC-ah Vice President nilai niin Serchhip District Wrestling Association-ah Sr. Vice President leh Serchhip District Volleyball Association-ah General Secretary nilai a ni a, Volleyball Federation of India hnuaiah National Referee Exam a pass tawh bakah Trainer’s Training Grade A a pass tawh bawk a. Serchhip Sub-Hqrs. YMA ah Sports & Recreation Committee Secretary nilai a nih bakah kum 2009 khan LPS Comedian Search-ah pahnihna a lo ni tawh a. Faina kawnga hma alak that avangin nikum khan Serchhip DC hnen atangin chawimawina a lo dawng tawh bawk a ni.