Serchhip Hospital Blood Bank-a kum chanve chhunga thisen pek zinga 93.82% chu a thlawna pek a ni
Mizoram State AIDS Control Society (MSACS) hnuaia Blood Transfusion Service chhinchhiah danin kumin April 1 atanga September 30 thleng khan Serchhip District Hospital Blood Bank-ah hian thisen Unit 421 pek niin heng zinga Unit 395 te chu mi tlawmngai ten a thlawna an pek (Voluntary donation) a ni a, hei hi he Blood Bank-a thisen pek zawng zawng atanga chutin za zela 93.82 tlingin hemi hun chhung hian Blood Donation Camp tum 13 huaihawt a ni a, heng Camp hrang hrangah thisen thisen Unit 356 lak niin a bak Voluntary donation hi mi tlawmngai ten mahni remchan anga Bllod Bank-ah kala thisen an pek a ni.
Sawrkar kum kal meka September thla thleng khan Mizoram-a a thlawna thisen pek chu Unit 17,062 niin hei hi thisen pek zawng zawng Unit 18,673 atangin 91.37% a ni a, Unit 1,611 (8.63%) chu pek bik nei (replacement donation) a ni thung a, hemi chhung hian Blood Donation Camp tum 317 an nei a, chungah chuan thisen unit 12,046 pek a ni a, Blood Donation Camp-a pek hi 64.51% a tling a ni. Mizoram-a Blood Bank 11 zinga kum chanve chhunga Voluntary Blood Donation sanna ber chu Christian Hospital, Serkawn niin, 99.57% a tling a, Lunglei Civil Hospital-in dawtin, 99.37% a ni. Voluntary donation hniamna ber chu Lawngtlai District Hospital niin 79.36% a ni a, Civil Hospital Aizawl in dawtin 88.21% a ni a. Civil Hospital, Aizawl hi thisen dawng tam ber ni thungin Unit 8,875 an dawng a, a dawttu Civil Hospital, Lunglei-ah Unit 1,891 pek a ni. Thisen dawng tlem ber Mamit District Hospital-in Unit 232 dawngin Serchhip District Hospital-in an dawt a ni.
Mi tlawmngai ten a thlawna thisen an pek theihna tura thawktu pawl, Association for Voluntary Blood Donation (AVBD), Mizoram hruaitute chuan kumin kum kal mekah hian Mizoram a thisen pek zawng zawng atanga za zela 92 chu Voluntary Donation a nih theihna turin hma an lak thu sawiin, hei hi Mizoram pum huao chuan an la phak lo tih an sawi a. Midangte chhanna atana pawl leh mimal hrang hrangte inpekna chu chhuanawm an tih thu sawiin, Blood Donation Camp tum khata thisen pek theuh tum kher lo a, zing zawka Donation Camp huaihawt uar turin pawl hrang hrangte an chah bawk a ni.
Comments
Post a Comment