Bukpui PHC Building sak thar Minister in hawng

Health Minister Dr. R. Lalthangliana chuan Bukpui khuaa Primary Health Centre (PHC) building sak thar chu nimin khan a hawng.

PHC Building thar hawnna ah hian Health Minister chuan Health Minister a nih hnuah Mizoram hmun hrang hrangah PHC 20 chuang hawn a ni tawh tih sawiin, Bukpui PHC bakah hian Suangpuilawn, Lungsen, Bualpui NG, Marpara leh Reiek-ah te PHC building thar sak zawh leh hawn thuai hmabak a awm thu a sawi a. District thar pathum - Saitual, Khawzawl leh Hnahthialah District Hospital nuai 1700 man theuh sak mek a nih thu te, Champhai-ah Critical Care Block sak mek a nih thu te, hmun hrang hranga Health Sub Centre te Health & Wellness Centre a hlankai an nih tawh thu te, Sub-Centre awm lohna khua te harsatna phuhru turin Health Clinic khaw 230 chuangah din a nih tawh thu te pawh a sawi bawk.

Bukpui PHC hi chhawng khat niin NABARD RIDF-26 hnuaia hmuh Rs. 2,67,00,400 senga sak a ni a, Casualty Room, X- Ray Room, Male leh Female Ward bakah Room pawimawh hrang hrangte a awm a, nikum January 6-ah sa tanin kumin July 6-a sak zawh tura ruahman ni mah se huntiam ral hmain an sa zo hman a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar