Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Lawmpuina pawisafai hlan

North East Zone Girls and Youth Women Boxing Championship 2022 neih zawh taka Gold Medal latu Vanlalrinngheti (New Serchhip) chu Sports Minister Robert Romawia Royte chuan Rs. 10,000/- a hlan.
    Vanlalringheti hian Guwahati-a North East Zone Girls and Youth Women Boxing Championship 2022 neih zawh takah khan kg. 55-57 Category-ah Gold Medal a la a, Sport Minister hian lawmpuina thilpek pe tura alo intiam tawh angin Rs. 10,000/- chu a hlan a, Sports Minister aiawh hian nimin khan MNF General Hqrs. Adviser J. Malsawmzuala Vanchhawng chuan nimin khan an chenna In ah pawisafai hi a hlan a. Boxer Vanlalrinngheti chu an chhuan thu leh a kal zelna turah duhsakna an hlan tih sawiin, a kalzelna turah Sawrkar pawhin theihtawp a chhuah zel ang tih a sawi bawk.

Nimin-a lawmpuina sumfai hlanna ah hian Serchhip District Boxing Association-a hruaitute pawh telin an President Kapliana Pachuau chuan Serchhip District chu kum 3 chhung District Level Boxing intihsiakna ah a zawna Champion thei an nih thu a sawi a. SAI hnuaia Boxer 13 awm thei zingah Serchhip District atangin Boxer 8 lai an awm thu a sawi bawk.

Comments

Popular News (Last 30 Days)