Vawiin-ah Quarter Final khelh a ni dawn

Serchhip Sports Complex-a ‘Inter-Branch YMA Football Tournament’ khelh mek chu Vawiin hian Quarter Final khelh zawh a ni ang.


Serchhip Sub-Hqrs. YMA buatsaih he Tournament khelh mek ah hian nimin khan Round of 16 Match hnih khelh niin inkhel hmasa zawkah Serchhip Hmar Veng Branch chuan Serchhip Field Veng Branch chu 5-2 in an hneh a, Serchhip Hmar Veng Branch tan Vanlalruatkima Ralte in goal a khung hnuah Lalchhuanmawia chuan hattrick siamin goal thum a khung a, Lalrinchhana chuan hun tawp dawnah goal khat khung in Field Veng Branch YMA tan Lalrinzuala leh R. Lalremruata te chuan goal khat ve ve an khung a ni.

Inkhel dangah Neihloh Branch chuan Keitum Branch chu Penalty Shoot-out ah 5-4 in an hneh a, hun pangngai ah goal khat ve ve inpe a inhnehtawkin Keitum Branch hian Vanlalchhawna goal khung hmangin hma an hruai a, Neihloh Branch tan Lalsiamthara chuan a sut ve leh a ni. Hun pangngaia an inhnehtawk avangin Penalty Shoot-out hmangin chak zawk zawn a ni a, Keitum lamah pakhat in hlahin midang zawngin an pet goal vek a ni.

Nimin khan Quarter Final Match khat khelh niin New Serchhip Venglai chuan Piler Branch chu 2-1 in an hneh a, New Serchhip Venglai Branch tan Zirlianthanga chuan goal khung hmasa in Lalhruaitluanga chuan Piler Branch tan a sut a, hun tawp dawn ah Samuel Remruatfela chuan New Serchhip Branch chakna goal hi a khung a, Semi Final an lut hmasa ber a ni.

Vawiin hian Quarter Final khel chhunzawmin khelh zawh nghal a ni anga, karleh-ah Semi Final leh Final khelh a ni ang.

Vawiin-a Quarter Final khel turte :

Chhingchhip Venghlun Br. Vs S. Chanmari Branch (10:00)

S. Vengchung Branch Vs S. Kawnpui North Branch (12:00)

S. Hmar Veng Branch Vs Neihloh Branch (2:00)

Comments

Popular News (Last 30 Days)

Vawiin-ah HSSLC Exam result

LPG man bithliah thar