Serchhip-ah Vaimim lei mek

Serchhip-a Agriculture Department-a thawk te chuan kumin a kuthnathawktute Vaimim thar an lei tan mek tih sawiin, heng atang hian Ran-chaw siam leh tum a nih thu an sawi.
Serchhip-a Agriculture Department-a thawktute chuan kumin khan Serchhip District chhunga khaw 40 ah SEDP atangin Vaimim chi semchhuah a ni tih sawiin, chhungkaw 1071 te hnenah Vaimim chi hi quintal 214.20 semchhuah a nih thu an sawi a, heng atang hian Quintal 85.68 ching anga chhut a nih thu sawiin, Vaimim hi quintal 3427.20 vel tharchhuak tura an inbeisei thu an sawi a ni. Ser-chhip District-a Vaimim chi pekchhuah tak te hi Serchhip Bial chhunga khaw 4-a chhungkaw 242 te hnenah quintal 48.40 sem niin heng atang hian quintal 19.36 chu chin a ni a, Tuikum bial a khaw 18-ah chhungkaw 387 te Vaimim chi quintal 77.40 sem niin quintal 30.96 chin a ni a, Hrangturzo bial-a khaw 16-ah chhungkaw 408 te chu Vaimim chi quintal 81.60 pek ni bawkin quintal 32.64 chin a ni a, heng bakah hian Zote South leh Kanghmun South-ah chhungkaw 34 te Vaimim chi quintal 6.80 pein quintal 2.72 an ching bawk a ni.


Agriculture Department-a thawktute chuan kumin hian Serchip District chhunga khaw hrang hrangte hian Vaimim hi an thar tha thaw-khat nia an hriat thu sawiin, tunah hian heng an Vaimim tharchhuah te hi an lei tan mek tih an sawi a, nimin (Oct. 19, 2022) thleng khan Vaimim ro quintal 102.23 chu an lei tawh thu leh kg. khat Rs. 20/- zela lei a nih thu an sawi a. Vaimim chingtute hi a ro tha tak chauh hralh tura an tih thu leh an la lei tan dawn chauh thu sawiin, heng an leikhawm atang hian Ranchaw an la siam leh tur thu an sawi a. An hnena hralh an awm lo a nih chuan ranchaw hi siam theih a nih dawn loh thu leh heng kuthnathawktute tharchhuah hi an in nghahna a nih thu an sawi a. Serchhip District-a Vaimim thar zingah Aizawl lama hralh leh mahni-a ranchaw a hmang nghal an awm thu an sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar