Anthurium Festival hmang

Ni hnih (2) chhung awh tur Anthurium Festival, 2022 chu nimin khan Reiek Tourist Resort-ah hman tan a ni a, Vawiin hian chhunzawm in zawhfel a ni ang.

Covid hripui avangin kum 2 chhung Virtual-a Anthurium Festival hi hman a nih hnuah nimin khan mipui chhim theih tura hman leh niin he hun hmanpuitu Tourism Minister Robert Romawia Royte chuan hun rei tak hnuah Festival hman leh thei a ni ta chu lawmawm a tih thu a sawi a. Anthurium Festival hi Reiek-ah kum 2009 atanga hman tan niin hmundangah te pawh hman kual ve thin ni mah se hmun dangte aiin Reiek-ah an tlei ber niin a sawi a. Reiek tlang thing leh mau, tumah ka khawih chhiat loh 'virgin forest' te leh Anthurium Festival a inhmeh thu a sawi a. “Tourism hian mipui hlimna 'happiness' kan ngai pawimawh ber a, Mizo mipuite hi hlim em em turin kan duh a ni,” a ti bawk.

Anthurium Festival-ah hian Mizo hnam zia phochhuahna - hnam lam, zaithiam/band leh Fashion Show te bakah intihlimna chi hrang hrang nena hun hman a ni a. Anthurium Festival, 2022 chhung hian Mizo Handloom & Handicrafts Exhibition, Mizo eisiam chi hrang hrang, Zokhua (Mizo Typical Village) Adventure activities - ziplining, climbing, Tent accomodation, Forest Bathing, Star Gazing, Anthurium Varietal Display & Sale leh intihhlimna dangte a chhawp chhuak a ni.