Hri kai enkawllai 13 awm

Nimin tlai thleng khan Serchhip District-ah COVID-19 hri kai enkawllai mi 13 an la awm.

Inrinni khan Serchhip District-ah COVID-19 hri kai mi 5 hmuh belh leh niin heng te hi Serchhip P&E Veng-ah mi 2 leh Thenzawl-ah mi pahnih bakah North Vanlaiphai-ah mi pakhat te an ni a, nimin ah hri kai hmuhchhuah thar an awm belh lo thung a ni. Inrinni khan Serchhip District-a COVID-19 hri kai mi 6 te chu anmahni enkawlna hmun atanga chhuahtir ni ve lehin heng te hi Thenzawl khua mi 3 bakah Serchhip P&E Veng, Keitum leh Mualcheng khua ah mi pakhat theuh te an ni a, nimin-ah mi pahnih chhuahtir ni lehin Serchhip IOC Veng leh Thenzawl-ah mi pakhat ve ve an ni.

Heti hian nimin thlenga Serchhip District-a COVID-19 hri kai hmuhchhuah tawh chu 14,509 niin an zinga 14,460 te chu enkawl dam an ni tawh a, hri kai zinga za zela 99.66 te chu enkawl dam ni tawhin hri kai enkawllai mi 13 an la awm a, hri kai zingah mi 36 an boral tawh bawk a ni. Hri kai enkawllai la awm te hi Thenzawl-ah mi 4, Serchhip leh North Vanlai-phai-ah mi 3 ve ve, Zote South-ah mi 2 leh East Lungdar-ah mi pakhat te an ni.