Serchhip District Level Road Protection Squad-in kawngpui venhimna kawngah hmalak zel an rel

District Level Road Protection Squad chu nimin khan Serchhip DC Meeting Hall-ah thukhawmin Serchhip khawpui chhunga kawngpui venhimna kawnga hmalak dan tur hrang hrang an sawiho.


He thutkhawm hi Serchhip District Bawrhsap mawhphurhna la mektu Lalmuansanga Ralte chuan kaihruaiin kum 2016 khan District Level Road Protection Squad hi din a lo nih tawh thu leh khawpui chhung hmun hrang hrang fangin, vantlang kawngpui hamgntute tana hnawk tura thil dah leh kawngpui tichhe thei thil awm te enfiah hna an lo thawh tawh thu leh senghawi tira hmalak a lo nih tawh thu a sawi a. Hei mai bakah hian UD&PA Department-a DUDO te pawhin hemi kawngah hian an theih anga hma lain tun aia sawt lehzuala kan kawngpui te chhanhim leh enkawl a nih theihna tura hmalak a nih theih nan he thutkhawm hi neih a nih thu a sawi a ni.

He thutkhawm ah hian Serchhip District Urban Development Officer Lalthanghliri Pautu chuan kawngpui sir-a thil dahhnawk a awm lohna tura hma an lak tawh thin thu leh In sak avanga kawngpui dung-a bungrua dah mamawh te hnenah thla khat (1) atan phalna an pek thin thu leh hei hi pawhsei theih a nih thu a sawi a. Hetianga dilna hi kalphung an tih danglam hnuah 45 an dawn tawh thu te, mipuite tana hnawk lo thei ang bera dah a nih theih nan an Department bakah Traffic Police te nen an enfiah thin thu leh Regular Inspection erawh an neih theih loh thu sawiin, VC leh khawtlang in enfiah tura an rawt te erawh an enfiah theih reng thu a sawi a ni.

He thutkhawm a tel te hian Serchhip khawpui chhunga Veng hrang hrangah hetianga kawngpui tichep thei leh kawngpui tana hnawk tura In sakna bungrua leh thildang dah a awm leh awmloh enfiah hna thawh chhunzawm relin, hemi rual hian Vantlang ram nek-a Tuizem hunna leh hnathawhna hmun a awm leh awm loh bakah Vantlang kawngpui-a Motor Workshop a awm leh awm loh te enfiah nise an ti a, hei bakah hian Vantlang kawng-a lirthei dah te pawh enfiah an rel bakah Serchhip Bazar vel-a Footpath-a kal te tana hnawk tura thil zuar an awm leh awm loh te pawh enfiah nise an ti a, kawngpui-a Iron Rod chhut ngil leh Cement chawh mai te pawh dan phal loh a ni tih sawiin, tuna Squad awmsa bakah phungbawm te pawh sawm nise an ti a, VC tin ten an huamchhungah hetianga thil dah a awm lohna turin hma lo la se an ti bawk. He thutkhawm ah hian Addl. DC leh Addl. SP bakah SDO (Sadar) Lalzikpuii, District Urban Development Officer (DUDO), District Local Administration Officer (DLAO), EE PWD, DTO Office atangin MVI leh Serchhip Sub-Hqrs. YMA leeh Joint VC aiawhte an tel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man