Council of Minister thutkhawm neih a ni

Mizoram sawrkar Council of Ministers thutkhawm chu nimin khan Chief Minister Zoramthanga hova neih niin sawrkar Department hrang hrang atanga thu pawimawh lut te ngaihtuah a ni.

CM Cabinet Meeting Room-a he thutkhawm neih ah hian GAD atanga lut Community Hall sak nan Mamit Dinthar-a AH & Vety Department ram Branch YMA tana sahthlak tura rawtna lut te, Health & Family Welfare atanga Mizoram Pharmacy Council Rules, 1997 siamtha tura rawtna te, Home Department atanga an Cclerical Pst pakhat upgrade tura rawtna te, AH & Vety Department atanga Draft Mizoram Licensing and Regulation of Private Veterinary Hospitals and Clinics Rules, 2022 chhawpchhuah te leh Taxation Department atanga Mizoram Goods & Services Tax (Amendment) Bill 2022 chhawpchhuahte chu pawm a ni a. Heng bakah hian DP&AR atanga lut ‘The Government of Mizoram Regularization of Provisional Employees Scheme, 2020’ chu Provisional Employee 18 tan One Time Relaxation siam chu pawm a ni bawk a, Taxation Department atanga lut, Aviation Turbine Fuel (ATF) atanga VAT lak chu 10% atanga 1% a tihhniam tura sawrkar laipuiin a rawn phut chu ngaihtuah hovin pawm a ni bawk. Sawrkar thuchhuah tarlan danin India hmarchhak State zingah Mizoram leh Manipur chauh ATF atanga VAT lak 1% (leh a aia hniam) a la dah lo awmchhun an ni.