Doctor pahnih chhuak fel; OPD-a rawn theih 10 awm

Tunhnaia Serchhip District Hospital atanga sawnchhuah Doctor pahnih te chuan Serchhip an chhuahsan ta a, Serchhip District Hospital-ah OPD-a thu thei Doctor 10 awm mekin an zinga pahnih chu AYUSH Doctor an ni.


Tunhnaia Mizoram sawrkar in Serchhip-a Doctor pahnih te sawnchhuak tura a tih angin Gynecologist Dr. Laltharzeli chuan Serchhip a chhuahsan hnuah Paediatrician Dr. K. Vanlalhriati chuan nimin khan Serchhip hi a chhuahsan ve leh a, Serchhip NGO Coordination Committee ten anmahni thlaktu tur dah an nih loh avanga nimin lama Dr. K. Vanlalhriati chhuak tur dan an tum chu Serchhip-a awm tura tih Dr. C. Lalrinzama (Paediatrician) chu dah ngheh a nih theih nana hmalak relin an dang ta lo thung a ni.

Hetianga Serchhip District Hospital-a Doctor te sawnchhuah an nih hnu hian Serchhip damdawi In-a damlo te rawn theiha Doctor awm chu mi 10 an ni ta a, heng Doctor te hi DMS mawhphurhna la mektu Dr. ZD. Lalmuanawma (Ophthalmologist); Dr. K. Lallawmzuala (Medicine); Dr. Maria VL. Rosangi (Anaesthesia); Dr. Lalnunhlima Khiangte (Pathologist); Dr. Jenet Laldinpuii (Dental); Dr. C. Lalrinzama (Paediatrician); Dr. Joseph Lalmuanpuia Hauzel (ENT) leh Dr. Lalruatliana Pachuau (Surgeon) bakah AYUSH atangin Dr. T. Zalianzela leh Dr Vanlalchhuanga te an ni a. AYUSH Doctor te hi OPD hran nei an nih avangin District Hospital OPD ah thu lovin AYUSH OPD-ah thuin mipuite tan rawn theih an ni a, anni tello hian DMS hnuaia Doctor rawn theih chu 8 an ni.

Heng bakah hian Serchhip CMO Office-ah Office hna pawimawh khawihtu Doctor mi pathum (3) an awm mek bawk a, heng te hi Chief Medical Officer Dr. Lalzawmi bakah Dr. Lalngaihawmi Chhangte leh Dr. Samuela te an ni a, anni hi Office hna lam khawihte niin OPD-ah mipuite rawn turin an thu lo thung a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar