Serchhip-ah Inchai khawmpui lian

/

Mizoram-a Wrestling (Inchai) inelna lian ber, 5th Inter-District Mizoram Wrestling Championship, 2022 leh Mizo Inchai Tittle Fight Challenger zawnna chu karleh May ni 17-19, 2022 chhung khian Serchhip Indoor Stadium-ah neih a ni dawn.

Mizoram Wrestling Association (MWA) in a buatsaih 5th Inter-District Mizoram Wrestling Championship, 2022 leh Mizo Inchai Tittle Fight Challenger zawnna hi Serchhip District Wrestling Association chuan aa thleng dawn a, hripui leng leh rokhawlhna hrang hrang avangin hun engemaw chen Mizo inchai buk hrang hranga Champion lai cho theitu tur zawn a ni lo a, tun tum bikah hian Mizo rilrem zawnga Inchai hmuhnawm bik tak, Mizo Inchai Title kawl lai cho theitu tur zawn a ni dawn a ni.

Inter-District Mizoram Wrestling Championship-ah hian Free Style-in Under-17 leh Senior anga inelna nei tur neih a ni dawn a, hemi bik hi International Level anga khelh tur a ni thung dawn a ni. Mizoram chhunga District hrang hranga Wrestler Under-17 bakah Category hrang hrang : -35, -39, -43, -45, -48, -51, -55, -60 leh +60 kg ah te inelna neih a ni ang. He Championship-ah hian Senior weight Category pawh United World Wrestling (UWW) Weight then anga kalpui tur a ni ang. 

Mizo inchai bikah Tittle fight challenger turte hi Mipa-ah Pate (65 Kg), Palaihawl (80 Kg), Palian (+80 Kg)-ah then a ni a. Hmeichhia bikah Nute (-60 Kg), Nulaihawl (-70 Kg) leh Nulian (+70 Kg)-ah te then a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »