Latest News

Vaccine la zat pung zel

Serchhip District-a COVID-19 Vaccine pek hna kalpui mekah mi za riat chuang te chuan hri danna an lak tur hi an la kim tawh a ni.

Kumin January 16-a Mizoram-a COVID-19 hri danna, Covishield pek hna kalpui a nih hnuah Serchhip District-ah pawh January 21 atang khan CO-VID-19 hri danna pek hna hi kalpui a ni a, niminpiah tlai thleng khan Serchhip District-ah hian Health Care Workers mi 711 te hnenah Vaccine Dose 1-na pek ni tawhin mi 635 te hnenah Dose 2-na pek an ni tawh bawk a. Hri leng dona kawnga a hmatawng-a thawktu, Frontline Workers mi 1934 te hnenah hri danna Dose 1-na pek ni tawhin mi 170 hnenah Dose 2-na pek a ni tawh bawk a. Hei bakah hian kum upa, kum 60 chin chunglam mi 779 leh natna khirh bik tuar mi 70 te hnenah Dose 1-na pek a ni tawh a ni.

Heti hian nimin thleng khan Serchhip District-ah hian mi 3494 te hnenah Vaccine Dose 1-na hi pek a ni tawh a, mi 805 te hnenah Dose 2-na pek a ni tawh bawk a. Nimin-ah erawh hri danna pek mek hi chawlhsan rih a ni thung.

Comments

Chhiar Hlawhte