Congress Upa Wing te lawm

Serchhip District Congress Upa Wing chuan nimin khan thuchhuah siamin Tar chawmna kan tih mai, Old Age Pension kum upa te hnena pek dan in tunhnaiah sawi a hlawh hle tih tarlangin, hemi chungchang hi Serchhip biala MLA bye election atana INC Official Candidate tur, PC. Laltlansanga chuan March 6, 2021 khan Then-zawl a tlawhnaah a auchhuahpui a. Assembly House-ah March ni 9, 2021 khan sawichhuah zui hial a ni tih an tarlang a. Hei vang hian Social Welfare & Tribal Affairs Department lam pawhin thuchhuah rawn siamin, tun hmaa ngaihsak hlawh lemlo ten ngaihsak an hlawh phah tih tarlangin, “Kum upa te manganna Zoram khawvel hriata puangchhuaktu Pu PC. Laltlansanga chungah lawmthu kan sawi tak meuh a ni,” an ti a. Mizo-ram khaw hrang hranga kum upa, Old Age pension, Tar chawmna kan tih mai lak dan leh an dawn dan hi mipui ten awlsam takin a hriat theih a nih thu an tarlang bawk.