Bye-election ah Ruling Wave a awm theilo niin sawi

Serchhip bial bye-election neih tura Indian National Congress (INC) Candidate, PC. Laltlan-sanga chuan bye-election neih turah Ruling Wave a awm theilo niin a sawi.

Serchhip West Block Congress Committee ten nizan hmasa-a Then-zawl-a thutkhawm an neih a hmanpuina ah INC Candidate, PC. Laltlansanga chuan bye-election chu Ruling chan tur emaw kan ti thin tih sawiin, “A chhan chu bye-election kan lo neih tawh te kha Chief Minister bial hnih-ah an tling a, an bial chhuahsan zawkah bye-election kan neih thin vang a ni,” a ti a. “Sawrkar bul tan chauh, Chief Minister bial chhuahsan nibawkah chuan Opposition tan chet a har thin ,” a ti.

Tun tum Serchhip bial-a bye-election neih tur erawh chu chutiang a ni lo tih sawiin, “Bial ruak a nihna chhanah Ruling in mipui an hip lova, an term chanve dawn an hmang mek tawh a, nakum kumleh mai, 2023 hi MLA inthlanpui kum a ni leh tawh a. Sum harsatna in min tlak-buak mek bawk nen, Ruling Wave a awm theilo a ni,” a ti a ni.