Lirnghing in Mizoram a nghawng dan thlirho a ni

Nimin khan Chief Minister, Zoramthanga hovin tunhnaia Mizo-ram khawchhak lama lirnghing in khaw hrang hrang a nghawng dan te thlirhona leh, lirnghing na zawk lo thlen thulha inpuahchah theih dan tur te sawihona neih a ni.
He sawihona Chief Minister Office Conference Hall-a neih ah hian Chief Minister, Zoramthanga chuan tunhnaiah hun reilote chhunga tum engemawzat Mizoram khawchhak lam khuate chu lirnghing in a sawi avanga lungmuang a awm theilo, mahni In ngeiah pawh mu ngam lova an awm phah chu hrehawm a tihpui thu a sawi a. Chutihrual chuan nunna chan an awm loh avang leh hriselna leh supply kaihhnawih chhiatna a thleng lo chu lawmawm a tih thu a sawi bawk.
Chief Minister chuan bialtu MLA te leh Geology & Mineral Resources leh University atanga mithiamten rang taka a hmun a thil awm dan ngaihven a an han kal nghal chu lawmawm a tih thu pawh sawiin, Lirnghing in a nghawng khua mipuiten tun maia an mamawh nghal tur ang chi te chu Disaster Management & Rehabilitation Department kaltlangin ngaihtuahsak zui nghal thuai turin department hotute a hrilh bawk.
He sawihona hunah hian Health Minister Dr. R. Lalthangliana, Home Department leh DM&R changtu Minister, Lalchamliana leh FCS&CS Minister, K. Lalrinliana bakah East Tuipui bialtu MLA, Ramthanmawia bakah sawrkar mi pawimawh Chief Secretary leh DIG leh Department mi pawimawh dangte telin lirnghing in chenna In, biak In, Hall leh Structure dangte a tihchhiat dan thlirho a ni a. DM&R Department leh MIRSAC atangin mithiam ten Mizoram a lirnghing thlen theih dan leh nghawng a neih theih dan hrang hrang te powerpoint presentation hmangin an entir bawk.

Comments

Chhiar Hlawhte