Serchhip-ah Methamphetamine nia hriat man a ni
Thudawn danin Serchhip Kawnpui South Branch YMA Duty te chuan nizan hmasa khan Serchhip Bazar-ah mi pakhat chu damdawi kaihhnawih ah ringhlelin an hreng a, Serchhip Police te koh an nih hnuah Methamphetamine ni ngeia hriat a kawllai chu Police te hian an man sak a, thu an zawhfiah hnuah In lama a dahthat chu man leh niin damdawi neitu nia hriat Lalrinchhana, Ser-chhip Dinthar Veng nia insawi nen hian an man zui ta a ni. Serchhip Police ten tun tuma Methamphetamine an man hi a vaiin gram 37.57 a ni a, Rs. 48,841/- man vel nia chhut a ni. Serchhip Police te chuan damdawi neitu nia hriat thu thubuai siam sakin nimin khan Court-ah hruai a ni.