Teak tum tawlh tur man tam

Kum kalta 2025 chhung khan Tlabung-a Environment, Forest and Climate Change Department leh Bangladesh ramri-a duty BSF-te chuan Bangladesh-a tawlh tur ni ngeia hriat Teak tum 1,945 zet an man. Tlabung-a Environment, Forest and Climate Change Department chhinchhiah danin, kum kalta 2025 April thla atanga December thla thleng khan Bangladesh-a tawlh tur ni ngeia hriat Teak tum 1,945 man ni a, heng zinga Teak tum 1,150 chu ramri-a duty BSF sipaite man niin a dang 795 chu Forest Department-te man a ni thung. Dan lova tawlh Teak tum 1,945 man khawm sa, lilamna atanga sum hmuh chu Rs. 28,18,196 a tling a, Sawrkar sum bawmah heng Teak lilamna atanga sum hmuhte hi chhunluh a ni.