Serchhip-ah District Level Convergence Meeting nei

Serchhip District chhunga sawrkar laipui Scheme hrang hrang kalpui mek te awmze nei leh hlawk zawka hman tangkai a nih theih nana thawhho dan tur relin nimin khan Serchhip District Convergence Meeting neih a ni.
He thutkhawm DC Pisapui Hall-a neih hi Bawrhsap Paul L. Khuma chuan kaihruaiin Department hrang hrang ten an Scheme neihte mipui ten hlawk zawka an hman tangkai theih nana an luankhawm a pawimawh takzet tih sawiin, mahni kal kal-a an kal hian hna inbawhthuah a awm duh thu leh, mipuiin hlawkna an tel tam tawk loh phah nia a lan thu a sawi a, Department hrang hrang hotute chu theihtawp chhuaha Convergence ngai pawimawh turin a ngen nghal bawk a ni.

He thutkhawm ah hian sawrkar Prog-ramme hrang hrangte awmze nei zawka hmer-khawm dan tur sawiho niin DRDO Project Director Dr. Malsawmtluanga Fanchun chuan chuan ni za inhlawhna - MGNREGA hnuaia hna thawh theih hrang hrangte sawifiahin a kaihhnawih department hrang hrangte nena hmalak ho theih dan turte a chhawpchhuak a. He hunah hian PWD, PHED, Horticulture, AH & Vety, Fisheries, Sericulture, LAD,Women & Child Development, Irrigation & Water Resources, Land Resources, Agriculture , Soil & Water Conservation bakah RD Department hotute an tel a ni.