LADC Inthlan atan inbuatsaih

Lai Autonomous District Council (LADC) inthlanpui neih tur atan inbuatsaihna kalpui mek zel a ni a, nimin khan District Election Officer (DEO) Donny Lalruatsanga chuan a pisa-ah Internet leh Mobile Network Service Provider-te kawmin December 1 atanga 3 chhunga inbiakpawhna Signal tha tak a awm theih dan tur a sawipui a. Hei bakah hian Medical Board te pawh thutkhawm neihpuiin Election duty turte zingah chhuanlam siam thin an awm chu pawi a tih thu sawiin, Medical Board paltlangte chauh ngaihthiam an nih tur thu a sawi bawk. LADC Inthlanpui neih tur atan hian nimin vek khan Political Party te tan Training neih niin an hriat tur pawimawh hrang hrangte zirtir an ni a, Flying Squad Team (FST) leh Static Surveillance Team (SST) tan training buatsaih a ni bawk.