Bungrua inhlanchhawng thin

Sawrkar laipuiin Indo-Myanmar Border hung tura hma a lak meka Hnahthial District chhunga Entry Exit awmchhun Thingsai-ah Myanmar lam nen eichawp leh bungraw hrang hrang te inhlan-tawn thin a ni a; Helai hmuna Lei chu Two Wheeler leh mihring chauh kalkai theihna a nih avangin Motor a phurh leh turin bungruate hi an inhlan chhawng thin a ni. Helai hmuna Border Trade Centre hi Myanmar khawpui Yangon hnaihna hmun ber niin sumdawngte pawhin an kal duhna hmun leh a hnaihna ber an tih thinna hmun a ni a. Hei vang hian Thingsai khaw mipuite chuan Mizo-ram tana chhenfakawm hmun a nih piah lamah kan ram economy tihmasawn thei tur a nih avangin Mizoram Sawrkar pawhin ngai pawimawha ti changtlung chho tura an duh thu an sawi a ni.