Lirthei 3,44,576 awm mek

Zonuna Kawlni (LENKAWL) • September 15, 2025 • Comments • Mizoram

Tun dinhmuna Mizoram-a lirthei chhinchhiah chin awm zat chu 3,44,576 a tling tawh. Transport Department chhinchhiah danin, August, 2025 thlenga Mizoram-a lirthei awm zat chu 3,44,576 a tling tawh a, chung zinga 2,39,003 chu Motor Cycle/Scooter niin, Car 57,051, Goods Carrier 24,092, Motor Cab 5,849 leh Motor Cycle/Scooter-used for hire 4,119 awmin heng te hi lirthei tam zualte an ni. Hetihlai hian Mizo-ram a lirthei awm zawng zawng zaa 70 vel chu Aizawl khawpui-a awm a ni a, data atanga a lan danin, Mizoram-ah lirthei a pung chak hle a, a bikin Aizawla a punna a sang hle niin a lang bawk.