KCC chungchang sawiho

Fisheries Department chuan Kisan Credit Card (KCC) chungchang leh Sangha tharchhuah tihpun dan tur bakah kawng hrang hranga hma an lak chhoh dan tur chungchangah nimin khan Aizawl-a IWR Department Conference Hall-ah Workshop an buatsaih a, KCC hmang hian Sangha Dil siamtu ten Bank hrang hrangah loan interest tlemte (4%) in an la thei a, dahkham engmah ngai lovin a rulhna pawh thla tin ni lova vawikhata rulh theih a ni a. Tunah hian cheng nuai hnih thleng pek theih chu cheng nuai 5 thlenga tihpun dan Central Sawrkar in a ngaihtuah mek a, Mizoram target mi 5000 pek tur chu tih hlawhtlin thuai a that thu he hunah hian tarlan niin India ram pumah KCC Card nei mi vbc. 7.5 an awm tawh thu leh cheng vbc. 5300 lai pek an nih tawh thu tarlan a ni bawk.