Chief Minister in kawm

Zonuna Kawlni (LENKAWL) • August 9, 2025 • Comments • Mizoram

New Delhi-a cham mek Chief Minister Lal-duhoma chuan niminpiah khan Aizawl-a ‘PM Ekta Mall’ satu tura thlan, Ministry of Health & Family Welfare hnuaia Public Sector Urdertakings, HLL Infra Tech Services (HITES) thuneitute chu New Delhi-a Mizoram House-ah kawmin an hnathawh tur chungchang a sawipui a, a hun taka sak zawh tum tur leh quality tha taka sa turin a chah a. Tuna Aizawla RIPANS an sak mek pawh a hun taka zo ngei turin a hrilh bawk. Mizoram Ekta Mall hi tun thla ni 23 khian a lungphum phum tura ruahman a ni a, a sak hna pawh tan nghal tura ruahman a ni. Chief Minister hian NECTAR (North East Centre for Technology Application and Reach)-a Director General Dr. Arun Kumar Sarma pawh kawmin PM-DevINE hnuaia Buangpui-a Changel sawngbawlna Project an kalpui mek chanchin sawipuiin, chak taka hna an thawh theihna tur leh a thawh zawh thuai theih dan tur te an sawidun a ni.