BS&G Chief Patron lalut

Mizoram Larsap General (Dr) Vijay Kumar Singh chu nimin khan Mizoram State Bharat Scouts & Guides Chief Patron atan lakluh a ni a, Raj Bhavan Durbar Hall-a hemi puala hun hman ah Larsap chuan Scouts & Guides hlutna, inthununna leh rawngbawlna te zahawm a tih thu leh khawvela thalaite beihpui thlakna nghawng nei lian berte zinga mi a nih thu a sawi a, mahni duh-thlanna, politic rawng kailo leh zirna kawnga hmalakna hmanga thalaite hmasawnna tluantling petu a nih thu a sawi bawk. Larsap chuan kum 1932 atanga kalpui Lushai Scout Troop chuan Mizoram Scouts & Guides tan hmakhaw eng tak a siam thu sawiin, hlawhtlinna tam tak Mizoram in a hmuhte a tarlang a. Scouts & Guides Movement chu uniform leh badge chauh ni lo, khua leh tui rintlak leh mawhphurhna la ngam siamtu a nih thu a sawi bawk.