ZPM Thalai in Chhingchhip a MIFCO hmun an tlawh

ZPM Thalaite chuan niminpiah khan Chhing-chhip-a MIFCO Fruits Juice Concentrate Plant leh Zemabawk-a MIFCO ZO MEAT Product te chu a hmunah an tlawh.
Chhingchhip-a MIFCO Fruits Juice Concentrate Plant-ah hian Lakhuihthei, Sapthei leh Serthlum te chu Juice leh Squash atana sawngbawl niin MIFCO Office atanga hralhchhuah mek a ni a. MIFCO ZO MEAT Product-ah hian Vawk leh Ar atangin Pork Fresh Cut, Pork Sausage, Smoked Pork, Chicken Sausage Masala leh Chicken Sausage Breakfast-te siamchhuah mek a ni bawk.

Heng hmun an tlawhna ah hian MIFCO Chairman Lalthazuala Royte chuan MIFCO hmun leh hmanrua te chu Guidelines mumal tak neiin Private Firm ten an hman theih thu a sawi a, Mizoram thlai tharte hlawk zawka sawngbawl a nih theih nan Mizo thalaite chu MIFCO hmalakna hrang hrangte zirchiang turin a chah bawk.