ECI in Political Party sawm

Election Commission of India (ECI) chuan India ram a Political Party hrang hrang President leh hruaitu lu te chu kan inthlan dan tih hmasawn dan tur ngaihtuaha thawhpuiah sawmin, hun remchanga inkawmna hun neih puiah a sawm.

ECI chuan National leh State political party zawng zawng hnen atangin inthlan kaihhnawiha Electoral Registration Officer(ERO), District Election Officer (DEO) emaw, Chief Electoral Officer Level-a chinfel loh engemaw a awm a nih chuan April 30, 2025 thleng rawtna thlen turin a sawm a, hemi chungchangah hian March 11, 2025 khan Political Party hrang hrang hnenah mimal taka lehkha thawnchhuakin Political Party President te leh hruaitu lu te chu hun remchang hmasa berah inthlan kaihhnawih sawipui tura inkawmhona nei turin sawm an ni. 

Election Commission of India chuan March 4 -, 2025 chhung khan Conference koin Chief Election Commissioner Gyanesh Kumar chuan ramchhunga CEO, DEO leh ERO zawng zawngte chu political party te nena a khat tawka inkawmna neihpui a, rawtna leh harsatna an thlen te dan hnuaia rang taka chinfel sakin March 31, 2025 hmain Commission-ah an hmalakna te report thehlut turin a hriattir a. Commission chuan political party te pawh he hun remchang hi hmang tangkaiin an harsatna te lo thlen ngei turin a ngen bawk a ni. 

Election Commission of India in Constitution behchhana Stakeholder 28 a thlanchhuah zingah Political party te hi a pawimawh ber pawl an ni a. Election Commission of India in political party te hnena lehkha a thawnah hian Representation of the People Act 1950 & 1951, Registration of Electors Rules, 1960;Conduct of Election Rules, 1961, Orders of Hon'ble Supreme Court leh Election Commission of India in Instruction, Manuals and Handbooks a tihchhuah hmang hian ramchhung hmun hrang hrangah langtlang leh dik takin inthlan buaipui a ni thin tih a sawi a ni.