Union Minister-ah thlen

Transport Minister Vanlalhlana chuan nimin khan Ports, Shipping and Waterways changtu Union Minister Sarbananda Sonowal chu a chenna In-ah kawmin Transport Department-in Inland Water Transport (IWT) atana hma a lak mekte chu chak lehzuala thawh a nih theih nan hmalakpui turin a ngen a. Transport Department hnuaiah hian IWT Project pathum kalpui mek niin Development of IWT on River Khawthlangtuipui-River Tuichawng, Development of IWT on River Tlawng (National Waterway-102) leh Development of IWT River Chhimtuipui te a ni a. Heng Project-ah te hian Techno-economic Feasibility neih zawh tawh niin a then DPR siam zawh tawh a ni a, la siam zawh loh te pawh peihfel thuai beisei a ni bawk.

Heng bakah hian Transport Minister hian Tuirial Dam chu IWT project atan chauh ni lo a zin mite hip thei tura tourism atan a hmunhma tha tak awmna a ni tih sawiin, ruahmanna hlawhtling tak kalpui a nih theih nana zirchianna kalpui a pawimawh thu a sawipui bawk a ni.