CSR Fund dil dan sawiho

Mizoram CSR Cell buatsaihin nimin khan Aizawl-a I&PR Conference Hall-ah MLA, Deputy Commissioners leh Civil Society Organisation hrang hrangte tan Corporate Social Responsibility Fund hmuh dan inhrilhhriatna buatsaih a ni a, he hunah hian CSR Cell Chairman TBC. Lalvenchhunga MLA chuan Mizoram-ah CSR Fund hmang thei Registered Society leh Foundation kan tlem avangin India rama CSR Fund hmang tlem ber State kan ni mek tih sawiin, CSR Fund hmang hian kan ram tan hmalakna tha leh lian tak tak kalpui theih a nih avangin a kalkawng kan hriat a ngaih thu a sawi a. Chief Minister Office-a awm CSR Cell chu CSR diltu tura din a ni lo tih sawiin, CSR pe thei Corporate leh a dil thei kan Society leh Agency te inkara palai hna thawk an nih thu a sawi bawk.