Home Voting kalpui mek

/

Mizoram-a Lok Sabha Inthlanpui kalpui mek ah Mizoram chhunga District hrang hrangah kum 85 chunglam leh pianphunga rualbanlo (PwD) Vote thlak duhte tan Polling Station pan ngai lova anmahni chenna In-a vote thlak tir (Home Voting) chu kalpui mek a ni a. Kum 85 chunglam leh PwD-te tan Home Voting dilna hi Form 12D hmangin BLO te kaltlangin District Election Officer hnenah thehluh niin heng mite hi an In lamah Vote hi thlak tir an ni. Home Voting hi tun thla tir lam atang khan District hrang hrangah kalpui niin Lunglei District-ah kalpui hmasa berin tun thla ni 4 khan kalpui tan a ni a, tun dinhmunah Serchhip leh Lawngtlai District-ah Home Voting hi kalpui mek la niin, Champhai District-ah chuan Vawiin, April ni 12 atanga tan tur a ni a, District dang zawng chuan an zo fel tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »