Latest News

TB dona kawnga hmalak dan sawihona hun hmang

Ministry of Health & Family Welfare, Central TB Division atanga Joint Supportive Supervisory Mission lokal te leh Mizoram State-a TB lam buaipuitute chuan nimin khan Aizawl-a DHS Conference Hall (Old building)-ah inkawmna an nei.

He inkawmna hun hi NHM Mizoram-a Mission Director Dr. Eric Zomawia chuan kaihruaiin Ministry atanga lo kal te hi Dr. Nishant Kumar Joint Director (Public Health) chuan a ho a, Central Tteam te hi TB Programme-a hmalakna te endik tur leh pui tura lokal niin kum 2025-a India ram atanga TB umbo tum anih avangin TB programme hnathawh te endik tur hian kumtin an lokal a ni.

State TB Cell Report-in a tarlan danin kumin (2023) January atanga October thla thleng khan Mizoram-ah TB rinhlelh test zawng zawng chu mi 12,309 niin hei hi mi nuaikhat zelah mi 933 test ang a ni a. Hemi chhung hian TB vei mi 1929 hmuhchhuah niin heng zingah hian MDR-TB vei 122 hmuhchhuah an ni a. MDR-TB vei za zela 70 chu tihdam an ni bawk. Heng bakah hian kumin January atanga June thla thlenga TB vanga thi Mizoram-ah mi 62 an awm tawh bawk a,. TB vei atanga za zela 83 te chu tihdam an nih bakah TB leh HIV vei kawp za zela 12 an awm bawk a ni.

Comments

Popular News (Last 30 Days)