Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MPSC in Interview tura tling te hming tarchhuak

Mizoram Public Service Commission (MPSC) chuan Mizoram Civil Services (Combined Competitive) Main Examination, 2023 chu nimin khan tichhuakin thla thar December 8 atanga 15 chhungin Personal Interview neih a ni ang.
Kumin hian Mizoram sawrkar chuan MCS-ah mi 10, MPS-ah mi 8, MF&AS-ah mi 10 leh MIS-ah mi 4 a la dawn a, kumin August 3-8 chhung khan Main Exam hi neih niin mi 292 ten a tawp thlengin Exam hi an hmachhawn a, heng atang hian (Unreserved-ah mi 60 leh Reserved (PwD Locomotor leh blindness and low vision)-ah mi 5 ve ve te chu Personal Interview nei turin an tling a, thla thar December 8 atanga 15 chhung khian Personal Interview hi neih tur a ni anga, December 4-ah Medical Exam neih a ni bawk ang.

Tun tumah hian hriat theih chinah Serchhip District atangin Personal Interview turin mi pathum an tling a, heng te hi John Zohmingthanga Chhangte S/o Jeremiah Chhangte (North Vanlaiphai); R. Vanneihtluanga S/o R.V. Lallara (Serchhip P&E Veng) leh Lalthlamuana S/o J Salemthari (Serchhip Vengchung) te an ni.

Comments

Popular News (Last 30 Days)