Mizo chin hriatloh in awm

Aizawl Mission Veng-a cheng leh Patiala (Punjab)-a Biotechnology-a Ph.D ti mek Lalnunthiangi (33) chu Inrinni-a a chhuak chin hriat loh in a bo a, Pathianni khan hmun pakhatah a bag, ID leh thawmhnaw thenkhat hmuh niin hei vang hian Police te chuan ngawrh takin an zawng mek a ni. Lalnunthiangi bo chungchangah hian nimin khan Mizo Students’ Union (MSU) General Hqrs. hruaitute chuan Mizoram Governor hnenah lehkha thehlutin he thil thleng hian Mizo zirlai leh Mizoram khawtlang a nghawng takzet tih an tarlang a. Lalnunthiangi hi zawn hmuh thuai a nih theih nan Punjab State Police mai bakah a tul dan anga Mizoram Police ngei a zawng tura tir turin an ngen a. Punjab-a Mizo zirlai la awmte himna tur tha zawk pek an nih theih nan Punjab State thuneitute biak sak turin Governor hi an ngen bawk.