Smart Class Room 6 hlan

HDFC Bank in Corporate Social Responsibility (CSR) kaltlanga School Education Department hnena Smart Class Room 6 (paruk) an pek inhlanna hun chu nimin khan Directorate of School Education Conference Hall, Aizawl-ah neih niin he hun hi School Education-a Secretary Dr. Lalzirmawia Chhangte chuan khuallian niin a hmanpui a, “HDFC Bank ten Smart Class Room an pe hian zirna kawngah nasa takin hmasawnna a thlen ngei dawn a ni,” a ti. Smart Class Room ah hian felfai taka Room cheibawlin Smart TV, Carpet , Desk (dawhkan) leh Bench (thutthleng) tunlai ber ber dah tura ruahman a ni.