Delete Kohhran te inlan

Champhai Zotlang-a awm Delete Kohhran hruaitute chu naupang dikna chanvo bawhchhiat chungchangah Mizoram State Commission for Protection of Child Rights (MSCPCR) in Section 13 (1) (j) of CPCR Act, 2005 – Deprivation and Violation of Child Rights tlawhchhan leh MSCPCR Rules, 2017 in thuneihna a pek anga insawifiah tura tih an nih angin nimin khan Commission hmaah an inlan a. He hunah hian Commission chuan naupang dikna chanvo hrang hrangte a hrilhfiah bakah, Dan bawhchhetute chu hrem theih an nih thu a hriattir a ni. Delete Kohhran-ah hian tunah hian naupang kum 18 hnuailam mi 25 an awm nia report a ni.