Digital Weighbridge hawng

Zonuna Kawlni (LENKAWL) • February 13, 2023 • Comments • Mizoram

Supply Department in SEDP sum hmanga Government Muanna Veng Godown-a Digital Weighbridge an bun thar chu Inrinni zing khan Supply Minister K. Lalrinliana chuan a hawng a, he Digital Weighbridge-ah hian buhfai phurtu lirthei te chu an buhfai phurh nen a ruala buk theih niin 60 Metric Tonne thleng buk theih a ni. Ration buhfai buk dik leh rang taka mipuite hnena pekchhuah anih theih nan FCS&CA Department chuan Truck chawpa buhfai bukna tur Digital Weighbridge hi a bun a. Hemi atan hian SEDP atangin cheng nuai 31.57 ruahman a ni. Digital Weighbridge hi a tirah chuan GMG Muanna Veng-ah hian pahnih dah tum niin a hmunhma a chep deuh avangin pakhat zawk hi PDC Luangmual-ah dah a ni.