VLCPC te hnathawh tur leh mawhphurhna zirho

District Child Protection Unit (DCPU) Serchhip buatsaih Village Level Child Protection Committee te hnathawh dan tur inzirtirna tunkar Nilaini atanga neih chu nimin khan zawhfel a ni.
Serchhip Town chhunga Village Level Child Protection Committee te tana an hnathawh dan inzirtirna hi tunkar Nilaini atang khan Serchhip Town chhunga VC hrang hrangte tan a inchhawkin DCPO Conference Hall, Serchhip-ah neih a ni a, he training ah hian Serchhip DCPO Lalsiampuii chuan Village Level Child Protection Committee chu anmahni huamchhung ah theuh naupang venhim ngai leh enkawl bik ngai an awm chuan a tul anga hma la tur leh thuneitu sang hnena thlen tul a awm a nih pawha lo buaipuitu tur an nih thu a sawi a. Hei bakah hian naupang pawi khawih an awm a nih pawha a tul anga lo buaipuitu tur an ni tih sawiin, an mawhphurhna hrang hrangte a sawi bawk.


He Training ah hian Juvenile Justice (Care and Protection of Children) Act, 2015 chungchang ah R. Lalbiakhlui, Protection Officer (IC) chuan kalkhawmte zirtirna pein Vanlalmuanpuii, Protection Officer (NIC) chuan Protection of Children from Sexual Offences (POCSO) Act chungchang ah zirtirna a pe bawk a, zawhna leh chhanna hun te hman niin VC hrang hranga Village Level Child Protection Committee member te an tel a ni.

Village Level Child Protection Committee-ah hian VCP chu Chairman niin Member Secretary hi DCPO Office atanga ruat an ni a. Member atan an huamchhunga zirna In hrang hranga Nodal Teacher te, tlawmngai pawl hrang hrang aiawh leh Anganwadi Workers bakah Health Worker emaw, ASHA te emaw ruat an ni bawk.

Comments

Popular News (Last 30 Days)

LPG man bithliah thar