TB vangin mi 3 boral tawh

Nikum (2021) chhung khan Serchhip District-ah TB vanga thi mi 4 awmin kumin chhungin mi 3 an thi tawh bawk.
Serchhip District TB Forum thutkhawm chu nimin khan an Chairman leh District Bawrhsap Nazuk Kumar IAS hovin Serchhip DC Meeting Hall-ah neih a ni a, he hunah hian District TB Officer leh TB Forum-a Member Secretary Dr. Lalnunhlima Khiangte chuan Serchhip District-a TB dinhmun tarlangin, nikum chhung khan TB enkawl mi 67 awmin TB vanga thi mi 4 an awm a, kumin ah mi 50 enkawl niin mi 3 an boral tawh bawk a ni.

He thutkhawm ah hian TB leh HIV te chu natna inhnaih tak an ni tih tarlan niin kumin a Serchhip District-a TB vei enkawl mek 50 zingah HIV hrik pai mi 5 awmin, nikum-ah TB zingah pawh mi 5 bawk an awm thu tarlan a ni a. HIV positive hmuhchhuah thar 25 chu Damdawi hman-sual lama inhnamhnawih an ni a, nikumah mi 14 chauh an nih laiin kuminah a pun hluai chhan hi Drug a lo hluar tak vang a ni tih pawh he hunah hian sawilan a ni bawk.

He thutkhawm kaihruaitu District Bawrh-sap Nazuk Kumar chuan HIV/AID, TB, Hepatis leh a dang te titlem tura Campaign awmze neia siama beihpuithlak tul a tih thu a sawi a, Serchhip Sub-Hqrs. YMA Report leh rawtna angin Myan-mar raltlan te avanga Drug lo hluar a, a man lo hniam ta em em pawh a tihreh dah tur YMA, Police leh anmahni raltlan te nen la sawiho tha a tih thu a sawi a. Tunah hian Serchhip khawpui chhungah Myanmar atanga raltlan 284 an awm mek nia chhinchhiah niin, an zinga mi thenkhat chu haw chho a lo chhuk thin an nih avangin Drug latu ber an nia hriat a nih thu tarlan a ni bawk.

Serchhip District TB Forum-ah hian District Bawrhsap chu Chairman niin Chief Medical Officer chu Co-Chairman niin District TB Officer chu Member Secretary a ni a, Member atan sawrkar Department leh NGO bakah Media aiawh mi 10 ruat an ni bawk.

Comments

Popular posts from this blog

Tukverh-a tlasual boral